အပြီးသတ်အမိန့်တွင် ကာလရှည်ထောင်ဒဏ်များ ချမှတ်ခံရနိုင်သည့် ဒေါ်အောင်ဆန်းစုကြည်၏ အမှုတချို့

အပြီးသတ်အမိန့်တွင် ကာလရှည်ထောင်ဒဏ်များ ချမှတ်ခံရနိုင်သည့် ဒေါ်အောင်ဆန်းစုကြည်၏ အမှုတချို့ (ဘာသာပြန် ဆောင်းပါး)

ဒီမိုကရေစီနည်းလမ်းတကျ ရွေးကောက်တင်မြှောက်ခြင်းခံထားရသည့်အရပ်သားခေါင်းဆောင် ဒေါ်အောင်ဆန်းစုကြည်သည် အဂတိလိုက်စားမှု၊ မဲလိမ်မှု နှင့် ကိုဗစ်စည်းကမ်းများကို ချိုးဖေါက်မှုတို့ဖြင့် တရားစွဲဆိုခံနေရပြီး အပြစ်ရှိသည်ဟု စီရင်ဆုံးဖြတ်ခံရလျှင် ထောင်ဒဏ်နှစ်ပေါင်းများစွာ ချမှတ်ခံရမည်ဖြစ်သည်

ဖြုတ်ချခံအရပ်သားခေါင်းဆောင် ဒေါ်အောင်ဆန်းစုကြည်ကို အာဏာသိမ်းစစ်အုပ်စုက စွဲဆိုထားသည့် အမှုတသီတတန်းထဲမှ အမှုတချို့ကို အင်္ဂါနေ့ (နိုဝင်ဘာ ၃၀) တွင် အမိန့်ချမှတ်မည်ဖြစ်ပြီး ၎င်း၏ကျန်ရှိနေသေးသည့် ဘ၀သက်တမ်းကို ထောင်တွင်းတွင်ပင် ကုန်ဆုံးနိုင်ခြေရှိနေသည်

ပြည်တွင်းစောင့်ကြည့်ရေးအဖွဲ့တစ်ဖွဲ့၏ စာရင်းများအရ အာဏာသိမ်းစစ်အုပ်စုသည် လူ ၁,၂၀၀ ကျော်ခန့်ကိုသတ်ဖြတ်ခဲ့ပြီး ပြည်သူ ၁၀,၀၀၀ ကျော်ကို ဖမ်းဆီးထိန်းသိမ်းထားဆဲဖြစ်သည်

စစ်တပ်အားဆန့်ကျင်ရန်လှုံ့ဆော်မှုနှင့်ပတ်သက်ပြီး ပြစ်ဒဏ်ထင်ရှားသည်ဟုဆိုကာ ထောင်ဒဏ် ၃ နှစ်ကျခံရနိုင်သည့်အနေအထားနှင့် ဒေါ်အောင်ဆန်းစုကြည်သည် ရင်ဆိုင်နေရသည်။ နိုင်ငံရေးနယ်ပယ်တွင် ၄င်း၏ပုံရိပ်ကောင်းကို ပယ်ရှားချင်၍သာ ဒေါ်အောင်ဆန်းစုကြည်ကို ယခုကဲ့သို့ပုဒ်မတပ်တရားစွဲဆိုခြင်းများပြုလုပ်ဖြင်းဖြစ်သည်ဟု လေ့လာဆန်းစစ်သူများက ဆိုကြသည်

အများပြည်သူဆိုင်ရာတည်ငြိမ်မှုကိုနှောက်ယှက်ပျက်စီးစေရန် သတင်းမှားကိုဖြန့်ခြင်း (သို့) လှုံ့ဆော်မှုကို ပြုလုပ်သောကြောင့်၊ တနည်း နိုင်ငံတော်ကိုအကြည်အညိုပျက်စေသည်ဟုဆိုကာ တရားရုံးတွင် ဒေါ်အောင်ဆန်းစုကြည်သည် အမှုရင်ဆိုင်နေရခြင်းဖြစ်သည်

သို့ပေမယ့်လည်း အာဏာသိမ်းစစ်အုပ်စုက ဒေါ်အောင်ဆန်းစုကြည်ကို မည်သို့စီမံမည်ကို မသိရသေးသလို၊ အာဏာပိုင်များအနေဖြင့် အပြီးသတ်ဆုံးဖြတ်ချက်ချရန်ကို ရက်ရွှေ့သည်မျိုးကိုလည်း ပြုလုပ်နိုင်လေသည်

စစ်တပ်ကတည်ဆောက်ထားသည့် မြို့တော်နေပြည်တော်တွင် အထူးရုံးဖွဲ့စစ်ဆေးနေသာ ဒေါ်အောင်ဆန်းစုကြည်၏ အမှုများကို သတင်းထောက်များသတင်းတက်ယူခွင့် မရသလို၊ ၎င်း၏ရှေ့နေများသည်လည်း တရားခွင်အခြေအနေများကို သတင်းမီဒီယာများသို့ ပြောပြခွင့်ကို တားမြစ်ခံထားရသည်

အာဏာသိမ်းပြီးနောက်နေ့များ၌ပင် လိုင်စင်မဲ့စကားပြောစက်များလက်ဝယ်ရှိမှု၊ ၂၀၂၀ ရွေးကောက်ပွဲမဲဆွယ်ကာလအတွင်း ကိုဗစ်ရောဂါ ပြန့်နှံ့မှုကို ကာကွယ်ရန်စည်းမျဉ်းစည်းကမ်းများကို ချိုးဖောက်မှု၊ စသည့် မထင်ရှားသော ပုဒ်မများဖြင့် စစ်အုပ်စုသည် ဒေါ်အောင်ဆန်းစုကြည်ကို တရားစွဲဆိုမှုများ ပြုလုပ်ခဲ့သည်

ယင်းနောက် နိုင်ငံတော်လျို့ဝှက်ဥပဒေကိုဖေါက်ဖျက်မှု၊ အဂတိလိုက်စားမှု၊ ရွေးကောက်ပွဲတွင် မဲမသမာမှု တို့အပါအ၀င် အခြားသော ပုဒ်မများကို တဖြည်းဖြည်းထည့်သွင်းကာ စွဲချက်တင် တရားစွဲဆိုမှုများကို ဒေါ်အောင်ဆန်းစုကြည်အပေါ် အာဏာသိမ်းစစ်အုပ်စုသည် ပြုလုပ်ခဲ့သည်

ယခုတော့ ကြားရက်များအတွင်း ဒေါ်အောင်ဆန်းစုကြည်သည် အာဏာသိမ်းစစ်အုပ်စု၏ တရားခွင်တွင် အမှုများကို တသီတတန်း ရင်ဆိုင်နေရသည်။ကသီကလင်နိုင်ပြီး ရက်ဆက်နေသော တရားခွင်ရုံးချိန်းများကြောင့် အသက် ၇၆ နှစ်အရွယ်၊ ဒေါ်အောင်ဆန်းစုကြည်၏ ကျန်းမာရေးအခြေအနေကို စိုးရိမ်ရကြောင်း ၎င်း၏ ရှေ့နေအဖွဲ့က ပြီးခဲ့သည့်လတွင် ဆိုခဲ့သည်

“ဒေါ်အောင်ဆန်းစုကြည်ကို ရက်စက်ပြင်းထန်သော ပြစ်ဒဏ်ကို ချမှတ်ဖို့ သေချာလုနီးပါးရှိတယ်လို့ ကျွန်တော်တော့ ထင်ပါတယ်။ မေးခွန်းက သူ့ကို ချမဲ့ထောင်ဒဏ်က ဘယ်လိုပုံစံနဲ့လဲဆိုတာပါ။ အကျဉ်းသားတွေထူထပ်နေတဲ့ အမျိုးသမီးအကျဉ်းထောင်မှာပဲ သူ့ကိုထားမလား၊ (သို့) အရေးကြီးပုဂ္ဂိုလ်တစ်ယာက်ကို လက်ခံတဲ့ နိုင်ငံပိုင်အိမ်တစ်လုံးမှာပဲ အကျယ်ချုပ်ပုံစံထားမလား ဆိုတာပါ ” ဟု မြန်မာ၌အခြေချနေထိုင်ခဲ့ဖူးသော နိုင်ငံရေးလေ့လာသူတစ်ဦးဖြစ်သည့် ဒေးဗစ် မတ်တီဇန် (David Mathieson) က ဆိုခဲ့သည်

ယခင်စစ်အာဏာရှင်လက်ထပ်တွင် ဒေါ်အောင်ဆန်းစုကြည်သည် ၎င်းမိသားစုပိုင် ကိုလိုနီခေတ်လက်ရာ အိမ်ကြီးတွင်ပင် နေအိမ်အကျယ်ချုပ် ချခံခဲ့ရသည်။
စကစ သည် ဒေါ်အောင်စန်းကြည်ကို ဝန်ထမ်းအနည်းငယ်ဖြင့် နေပြည်တော်ရှိ လျို့ဝှက်နေရာတစ်ခုတွင် ဖမ်းဆီးထိန်းသိမ်းထားသည်။ ပြင်ပကမ္ဘာနှင့် ဒေါ်အောင်ဆန်းစုကြည်၏ ဆက်သွယ်မှုသည် တရားခွင်တွင် အမှုမစစ်ဆေးခင် ၎င်း၏ရှေ့နေအဖွဲ့နှင့် မိနစ်ပိုင်းမျှသာ စကားပြောဆိုခွင့်ရခြင်းသာ ရှိလေသည်

အာဏာသိမ်းစစ်အုပ်စု နှင့် ၎င်း၏ခေါင်းဆောင်များက ဒေါ်အောင်ဆန်းစုကြည်ကို သက်ညှာမှုပေးစေချင်သည့် မျှော်မှန်းချက်ကို သတိထားရန် မတ်တီဇန် က ဆိုခဲ့သော်လည်း ဒေါ်အာင်ဆန်းစုကြည်အပေါ်ချမှတ်သည့်ပြစ်ဒဏ်များကို စစ်ဗိုလ်များသည် နောက်ပိုင်းတွင် လျှော့ပေါ့ပေးနိုင်သည်ဟု မြင်မိကြောင်း ၎င်းကပင်ဆိုခဲ့သည်

“ဗိုလ်ချုပ်မှူးကြီး မင်းအောင်လှိုင်က ဘယ်လောက်များ သက်ညှာတတ်လို့လဲ…?

(The Guardian ပါ “Ousted Myanmar leader Aung San Suu Kyi braced for verdict in incitement trial” ဆောင်းပါး ကို ဘာသာပြန်ဆိုသည်။) Crd- Burma Associated Press