ကလေးတွေမှာအဖြစ်များတဲ့ကင်ဆာများ
ကင်ဆာဆိုရင် အသက်ကြီးမှဖြစ်တယ်လို့ အများစုကစဉ်းစားထားနိုင် ကြပါတယ်။ တကယ်တော့ ကင်ဆာဆိုတာ လူကြီးကလေးအရွယ်မရွေး ဖြစ်နိုင်ပါတယ်။ သို့သော် အသက်အရွယ်အလိုက်ဖြစ်တဲ့ ကင်ဆာအမျိူးအစားတွေကကွာခြားပါတယ်။ ကလေးတွေမှာမှအဖြစ်များတဲ့ကင်ဆာတွေလည်းရှိပါတယ်
သွေးကင်ဆာလို့ခေါ်တဲ့ leukemia ဟာ ကလေးတွေမှာအဖြစ် အများဆုံးကင်ဆာလို့ဆိုပါတယ်။ ကလေးတွေမှာဖြစ်တဲ့ကင်ဆာတွေရဲ့ 30ရာခိုင်နှုန်းလောက်ရှိတယ်လို့ဆိုပါတယ်။ သွေးကင်ဆာကို acute myeloid leukemia (ALL), acute lymphocytic leukemia (AML), chronic myeloid leukemia (CML), chronic lymphoid leukemia(CLL)ဆိုပြီး လေးမျိုးခွဲထားတဲ့အနက် ALL, AMLတို့က ကလေးတွေမှာပိုပြီး အဖြစ်များပါတယ်။ သွေးအားနည်းတာ၊ ခဏခဏဖျားတာ၊ အရေပြားမှာအနီကွက်တွေပေါ်နာ၊ သွေးခြည်ခဏခဏဥတာတွေဟာ leukemiaရဲ့ ဖြစ်လေ့ရှိတဲ့လက္ခဏာဖြစ်ပါတယ်
ဦးနှောက်နဲ့အာရုံကြောမကြီးကင်ဆာကတော့ ဒုတိယအဖြစ်အများဆုံးကင်ဆာဖြစ်ပါတယ်။ 26ရာခိုင်နှုန်းလောက်ရှိတယ်လို့ဆိုပါတယ်။ အဆိုပါကင်ဆာရဲ့ လက္ခဏာတွေကတော့ ခေါင်းက်ုက်တာ၊ ခေါင်းမူးတာ၊ အန်တာ၊အမြင်မှုန်ဝါးတာ၊ ပုံရိပ်နှစ်ထပ်မြင်တာ၊တက်တာ၊ လမ်းကောင်းကောင်းမလျှောက်နိုင်တာ၊ ပစ္စည်းတွေကိုကောင်းကောင်းမကိုင်နိုင်တာတွေနဲ့ လက္ခဏာပြတတ်ပါတယ်။ ကျောရိုးမှာဖြစ်တဲ့ ကင်ဆာကတော့ ဦးနှောက်ကင်ဆာထပ်နည်းပါးပါတယ်
Neuroblastomaဆိုတဲ့ အာရုံကြောcellတွေရဲ့ကင်ဆာကတော့ ကလေးကင်ဆာစုစုပေါင်းရဲ့ 6ရာခိုင်နှုန်းခန့်ရှိပါတယ်။ မွေးကင်းစကလေးတွေမှာပိုအဖြစ်များပြီး 10နှစ်ကျော်လာရင်တော့ ဖြစ်နိုင်ခြေနည်းပါးပါတယ်။ Wilm’s tumourလို့ခေါ်တဲ့ ကျောက်ကပ်cell ကင်ဆာကလည်း ကလေးတွေမှာဖြစ်တာများပါတယ်။ ကျောက်ကပ်နှစ်ဖက်လုံးမှာဖြစ်တတ်ပေမယ့် တစ်ဖက်တည်းမှာဖြစ်တာပိုများပါတယ်။ ဆီးလမ်းကြောင်းနဲ့ပက်သက်တဲ့ ဝေဒနာတွေခံစားရရင်တော့ Wilm’s tumour ဖြစ်နေနိုင်ပါတယ်
Lymphoma လို့ခေါ်တဲ့ အကြိတ်တွေထွက်လာတဲ့ကင်ဆာတစ်မျိုးဟာလည်း အဖြစ်များပါတယ်။ Hodgkin lymphoma ဆိုတဲ့အမျိုးအစားက 3ရာခိုင်နှုန်းလောက်နဲ့ non Hodgkin lymphomaက 5ရာခိုင်နှုန်းလောက်ဖြစ်တတ်ပါတယ်။ အကြိတ်တွေထွက်လာတာ၊ ဖျားတာတွေနဲ့ လက္ခဏာပြနိုင်ပါတယ်။ အခြားကင်ဆာတွေ ကတော့ ကြွက်သားတွေမှာဖြစ်တဲ့ rhabdomyosarcoma၊ မျက်စိမှာဖြစ်တဲ့ retinoblastoma, အရိုးမှာဖြစ်တဲ့ osteosarcoma စတာတွေဖြစ်ပါတယ်
ကင်ဆာဆိုတာဟာ လူကြီးမှဖြစ်တဲ့ရောဂါမဟုတ်ပါဘူး။ ကလေးတွေမှာပိုဖြစ်တဲ့ ကင်ဆာတွေလည်းရှိတယ်ဆိုတာ သိထားကြပြီး ဖြစ်လာတာနဲ့ မြန်မြန်ကုသဖို့လိုအပ်ပါတယ်
Dr. ZZ